----------------- ----------------
لن يمسنى أحد بسوء ( 4 ) ... بقلم إستشارى / أميرة كمال -*- أهم خمس سنوات فى عمر طفك ( 2 ) - بقلم لايف كوتش / نبيلة حسن زكى -*- لن يمسنى أحد بسوء ( 3 ) ... بقلم إستشارى / أميرة كمال -*- لن يمسنى أحد بسوء ( 2 ) ... بقلم إستشارى / أميرة كمال -*- اهم خمس سنوات في عمر طفلك .. بقلم : لايف كوتش / نبيلة حسن زكى -*- لن يمسنى أحد بسوء ... بقلم إستشارى / أميرة كمال -*- رحلة في عالم الكوتشينج ( 1 ) - بقلم : د / دعاء منير -*- ابني بيشوف مشاهد إباحية !!! بقلم : شريهان طاحون -*- ما هي وظيفة خدمة العملاء ؟ بقلم : محمود ضوى -*- هندسة العقل .. بقلم : عزة عبد الخالق -*- استراتيجيات لتحصن شركتك من فيروس كرونا .. بقلم إستشارى : حسن نفادى -*- ماهى ... الهندرة ..!!! بقلم .. إستشارى / محمود عودة -*- منظومة الدعم النقابى 2020 -*- ماهو الكوتشينج .. بقلم : محمد عبد المقصود -*- كيف تبداء فى العمل كـFreelancers ناجح ( العمل من المنزل ) -*- التعلم بالمشروعات بقلم : عزة عبد الخالق -*- كيف تبداء فى العمل كـFreelancers ناجح ( العمل من المنزل ) -*- إحذر .. الإحتراق النفسى بقلم إستشارى / محمود عودة -*- كورس العلاقات الزوجية فى ميزان الصحة النفسية -*- برنامج تدريب المدربين -*-

ابني بيشوف مشاهد إباحية !!! بقلم : شريهان طاحون

ابني بيشوف مشاهد إباحية !!!  بقلم : شريهان طاحون

 

طفلك صغير (عنده ٤ أو ٥ سنين) و بيتفرج على صور و مناظر #إباحية ؟!!!
ايوة عنده ٤ أو ٥ سنين و ممكن يتفرج على مناظر إباحية
طب ازاي دي و الطفل متربي مفيش كلام و البيت ملتزم آخر حاجة .. بص بقى و ركز في الكلام ده::
١) أغلب الناس اللي لما بتسمع المشكلة دي بتقول أن الطفل ده شاف اكيد أبوه و أمه في وضع #خاص شويه و طبعا ده ممكن يؤدي لأنه عايز يكتشف و يتفرج على حاجات شبيهة
٢) أن الطفل ممكن يكون بيمسك الموبايل أو التابلت و طبعا في اطفال كتير بتدخل ع النت و ده بيعرضهم لنتائج ممكن جدا تكون فيها صور و مناظر زي دي سواء أن صاحب الجهاز ممكن يكون نفسه بيتفرج فده بيساعد على ظهور صفحات مقترحة أو اعلانات أو صور فيها المناظر دي او ظهور الصفحات التي تم فتحها من سجل الموقع نفسه .. و ده طبعا بيعرفه السكة
٣) الطفل كمان ممكن و هو بيلعب ع الموبايل أو التابلت .. أو بيتفرج على كارتون أونلاين ممكن يظهرله اعلانات أو صور أو مناظر من دي بردو و ساعتها بدل مايقفلها ممكن يضغط عليها و من هنا تبدأ السكة
٤) كمان ممكن يكون عن طريق التليفزيون في مشاهد خاصة بتتعرض في الأفلام أو حتى في اعلانات بتبقى عن منشطات أو مقويات و ساعتها الاهل مش بيغيروها أو مش بيتكلموا عنها مما تدفع الطفل للاستكشاف و طبعا ده بداية السكة
٥) ممكن كمان الطفل يكون بيدخل على الوالدين أو اخواته في الغرف و هما بيغيروا هدومهم أو بيدخل عليهم الحمام أو بيبقى الباب موارب و هو بيشوفهم أو دخوله عليهم و مشاهدتهم أثناء الاستحمام .. أو العكس بأن الطفل نفسه هو اللي بيحصل معاه كدا في وقت تبديل ملابسه أو في الحمام خاصة أن ده وقت تدريبه على الحمام بنفسه
٦) أن تنبيه الطفل أو التعامل معاه بيبقى بالخبط على مؤخرته كنوع من أنواع أنه يسرع في خطواته لإحضار شيء مثلا او ضربه على هذه المنطقة كعقاب أو الهزار معه بخبطه على هذه المنطقة مما يساعد على تنبيهه لاستباحة المناطق الخاصة بشكل عام
٧) أن ساعات في افلام الكرتون بيبقى في بعض المشاهد زي أن الشخصيات مثلا بتبقى بدون ملابس أو في بعض افلام الكرتون أن الشخصيات بتتلامس أو بتقبل بعض و ده بردو بينبهه و بيعرفه الطريق
٨) اخر حاجة أن الطفل ممكن في المدرسة أو الحضانة أو في النادي ممكن يتعرض لخبرة سيئة زي أن طفل آخر ممكن يفكروا في استكشاف و رؤية و احيانا لمس أعضائهم الخاصة أو يكون معاه فون او تابلت حد كبير عنده أو مجلة بها بعض المناظر الخاصة أو الاباحية
طيب ايه الحل؟؟::
* انتبهووووا جيداااا أيها الاهل أن الأوضاع الخاصة ليست للاطلاع و التأكد أنها تتم بخصوصية
* الطفل ذكي و لماح و محب للاكتشاف و خياله واسع
* الطفل في السن ده في المرحلة الشرجية وفقا ل#مراحل النمو النفسي عند #مدرسة التحليل النفسي (فرويد) فبلاش يتعرض لصدمات و خبرات سيئة خاصة فيما يتعلق بالمناطق الحساسة و التعامل معها حتى لا تتحول لأمراض نفسية بعد كدا
* الضرب ليس وسيلة ناجحة لذلك بل ينتج عنها قمع للفكرة و عناد و إصرار على الاستكشاف و بحسب #مراحل النمو العقلي و المعرفي عند #بياچيه أنها مرحلة الإدراك الحسي اي أنه بيتعرف على الخبرات بالحواس زي اللمس و البصر و السمع و ده أكيد بيفهمنا هو ليه بيحاول يلمس أعضاءه أو بيتفرج عليها عنده أو عند الآخرين أو من مصادر أخرى زي الصور و المشاهد إياها
* بلاش نخبط الطفل على مؤخرته لا بالكلام و لا بالهزار ولا بالضرب
* علموا اطفالكم الفرق بين الاعضاء العادية زي العين و الاذن و غيرها من الأطراف و استخدامها و الحواس و بين الاعضاء الخاصة التي لايجب عرضها على الآخرين ولا الأخرين يعرضوها عليه
* علموا اطفالكم الخصوصية وقت تبديل الملابس و دخول الحمام بالنسبة لكم و بالنسبة لهم و عدم دخول الغرف الا باستئذان و أهمية عدم التجسس و التنصت و النظر من خلف الأبواب
* أهمية أن يكون الاهل على وعي بعدم تشغيل مناظر للكبار فقط أمام الأبناء و اذا تم عرضها يتم تغيير المحطة و مناقشة الأبناء و الحوار معهم بعدم صحة ذلك و البعد عنها و تدعيمهم أخلاقيا و تربويا و دينيا
* استخدام برامج يوتيوب للاطفال و هي تكون آمنة للاستخدام معهم .. كما يتم تأمين الحساب على جوجل باختيار عدم عرض النتائج الاباحية لضمان عدم ظهورها .. كما أنه يمكن استخدام قفل الأبوين في خصائص الجهاز ككل مما يساعد على التحكم في إمكانية فتح برامج معينة أو الاتصال بالنت من الأساس
* إمكانية اختيار البرامج و الالعاب و الكرتون بعناية و فهم و تحميلها على فلاشة بعيدا عن أجواء الانترنت و مخاطره لزيادة الاطمئنان على الطفل
* اختيار الأصدقاء الجيدين و معرفة أسرهم سواء من الحضانة أو المدرسة أو المنطقة السكنية لضمان عدم تعرض الطفل لهذه الخبرات من الآخرين
* متابعة الطفل أثناء اللعب أو مشاهدة الكرتون و مناقشته عما يقوم به و امداده بالقيم و المبادئ و الاخلاق في كل مايقوم به خاصة مع الأنشطة المحببة له
* عدم إطالة التعامل مع المناطق الحساسة للطفل أثناء عملية تنظيفه بعد الاخراج أو الاستحمام أو تركه عاري أو بدون ملابس أثناء تبديلها أو بعد الاستحمام و عدم جواز رؤية الآخرين له بهذا الشكل
* اذا حصلت المشكلة -لا قدر الله- و تم التعامل معها و لكن لم يكن هناك جدوى و تكررت اكثر من مرة .. ارجو التوجه للمختصين للتعامل الصحيح مع المشكلة و علاجها بالشكل السليم و كلما كان ذلك مبكرا كلما كان أفضل في العلاج